Sapna - A Sweet Poem (Save Girl Child)

Mausam Gulaal Le Ke Darwaaze Mere Aaye,

Misri Si Baat Hawaein Kaano Mein Keh Jaaye,

Baadal Ki Rui Waale Takiya Liye Sirhaane,

Daadi Ki Thapki Aur Kisse Naye Puraane,

Sapna Dekha Hai Maine, Maine Bhi Dekha Hai Sapna,

Meri Bhi Choton Ko Phoo Phoo Koi Bujhaaye,

Mera Bhi Aansoo Kisi Hatheli Par Ruk Jaaye,

Main Bhi Ungli Moti Si Thaamu Koi Kaske,

Meri Bhi Har Zidd Ko Maan Le Koi Haske,

Sapna Dekha hai Maine, Maine Bhi Dekha Hai Sapna,

Kaala Tika Maathe Pe Pyaar Se Koi Lagaye,

Mujhko Bhi Nayi Shararat Karna Koi Sikhaye,

Mera Khoya Sa Bachpan Koi Wapas Laaye,

Mere Bhi Naam Ko Chota Karke Koi Bulaaye,

Sapna Dekha Hai Maine, Maine Bhi Dekha Sapna

- Prasoon Joshi

Thank You!